Мавсумнинг сўнгги тур баҳсларига хозирлик кўраётган Фарғонанинг “Нефтчи” жамоаси бугун Наманган вилоятининг “Норин” жамоасига қарши ўртоқлик баҳсида иштирок этди.
Айтиш керакки, Олий лига йўлланмаси учун интилаётган ҳаққулободликлар “Нефтчи” жамоасига муносиб қаршилик кўрсатишди. Қиргулида кечган ўртоқлик баҳсида Вали Келдиев шогирдлари 2:3 натижасига кўра ғалабага эришишди.
“Нефтчи” жамоаси “Норин” билан баҳсда қуйидаги таркибда ҳаракат қилди.
“Нефтчи”: Абдумавлон Абдужалилов, Сардор Раҳмонов, Жаҳонгир Меҳмонов, Фурқат Ҳасанбоев, Алишер Саматов, Акмал Холматов, Мансур Саидов, Жавоҳир Расулов, Никита Павленко, Аббос Махсталиев, Шерзод Ҳакимов
Захирадан ўйинга қўшилганлар: Сергей Смородин, Мурод Бобожонов, Муҳсин Убайдуллаев, Абдураҳмон Абдулҳақов, Шукур Пўлатов, Сардор Қулматов.
Эслатиб ўтамиз, фарғоналиклар Олий лига навбатдаги турини 17 ноябрь куни ўз майдонларида Навоийнинг “Қизилқум” жамоасига қарши ўтказишади. Ўйин Фарғона шаҳридаги “Истиқлол” стадионида бўлиб ўтади.
