World Wrestling Entertainment (WWE) компаниясида иштирок этувчи Alpha Team рестлерлар жамоаси «Барселона» ҳужумчиси Лионель Мессига рестлер бўлишни таклиф қилди. Бу ҳақдаги видео WWE сайтида эълон қилинди.
«Барселона»нинг «Камп Ноу» стадионида суратга олинган видеолавҳада рестлерлар Мессига 6х6 форматида ўтказиладиган жангларда иштирок этиш таклифини билдиришди.
«Месси, янги чақирув олишни истасанг, жамоамизга қўшил. Сенга қандай қилиб зарба бериш бўйича дарс ўтамиз, сен эса ўз зарбаларингдан дарс берасан. Келақол ва биз билан машғулот ўтказ. Сени кутмоқдамиз» - дейди жамоа аъзоларидан бири Чед Гэйбл.
Эслатиб ўтамиз, бироз аввал Германия терма жамоасининг собиқ дарвозабони Тим Визе WWE жангларида дебют қилган эди.