Озарбайжон терма жамоаси ЖЧ-2018 саралашидан ўрин олган Шимолий Ирландия терма жамоасига қарши ўйиндан сўнг нима иш қилгани британиялик журналистларни ҳайрон қолдирди.
Белфаст шаҳрида озарбайжонликлар маҳаллий электроника магазинидан умумий нархи 12 минг фунт бўлган 8та телевизор сотиб олишган. Улардан учтаси диагонали 72 дюймли катта телевизор бўлган. Ўйиндан сўнг телевизорлар самолётга юкланиб, Озарбайжонга олиб кетилган.
Эслатиб ўтамиз, ўйин Шимолий Ирландиянинг 4:0 ҳисобидаги ғалабаси билан якунланди.