«Боруссия М» клуби ҳужумчиси Торган Азар (Эден Азарнинг укаси) «Челси» клубида ўтказган даврини эсга олди.
«2012 йилда акам билан «Челси» клубига ўтганимда бу клубда узоқ ушланиб қолмаслигимни билардим. Чунки етарли ўйин амалиётига эга бўлмадим, натижада ўзимнинг кучли томонларимни намоён этолмадим.
«Челси» кўплаб ёш футболчиларни сотиб олади ва кейинчалик ўйинини ривожлантиради. Де Брёйне ва Лукаку билан ҳам шундай воқеа юз берганди. Улар кейинчалик ижарага бериб юборилган.
Ака-укаларни бир жамоада ўйнатиш - уларни мақсади бўлмаган. Натижада клубни тарк этишга мажбур бўлдим. Шундай бўлса-да, бундан афсусда эмасман, янги жамоамда ўйинимни ривожлантириб бормоқдаман» - деди Торган.
