«Ливерпуль» клубининг собиқ футболчиси Фил Бэбб Лиссабоннинг «Спортинг» клубида ўйнаган пайтида Криштиану Роналдуга дарс берганини эслади.
«Роналду сочларини худди Стив МакМанаман каби ўстириб олган ёш йигитча эди. Бир куни «Спортинг» машғулотида ҳужумчилар ҳимоячиларга қарши ўйнади. Шуда мен Роналду билан юзма-юз келиб қолдим. У бир неча чаққон ҳаракат қилиб, мени алдаб ўтиб кетди. Шу пайт ҳамма устимдан кула бошлади. Албатта бу ҳолат менга ёқмади, чунки қандайдир йигитчадан алданиб қолгандим.
Эртасига яна шу ҳолат юз берди. Роналду чаққон ҳаракат билан мени алдаб ўтмоқчи эди. Аммо бу сафар елкам билан уни башарасига кучли зарба бердим. Роналду ағдарилиб тушди. Ҳамма бирдан жимиб қолди. Шунда мен унга: «Ҳеч қачон бундай қилма!» - дедим. Бу воқеадан сўнг Роналду мен билан ҳазиллашмайдиган бўлди» - деди Бэбб SkySports хабарида.
