Бразилия терма жамоасининг ҳимоячиси Тиаго Силва ЖЧ-2018да иштирок этиш орзуси борлигини маълум қилди.
«32 ёшга кирдим, кўпчилик мени қариган деб ўйлаяпти, бироқ жисмоний ҳолатимни айни чўққисидаман. ЖЧ-2018гача ҳали анча вақт бор, олдин у ерга бориш йўлланмасини қўлга киритиш лозим. Аммо ЖЧ-2018да ўйнашни орзу қиламан.
Агар ПСЖ таркибида барқарор ўйин намойиш қилсам, Россияга бориш имкониятим ошган бўларди. «Милан» ҳимоячиси Паоло Мальдини мен учун ўрнак бўла олади. У билан ярим йил бирга ўйнаганман. Шу йўлдан боришни истайман» - деди Силва Goal хабарида.
Тиаго Силванинг ПСЖ билан тузган шартномаси 2017 йил ёзида ўз ниҳоясига етади.
