Эрон терма жамоасининг бош мураббийи Карлуш Кейруш ЖЧ-2018 саралашидан ўрин олган Сурияга қарши ўйиндан олдин ўз фикрини маълум қилди.
«Сурия жуда яхши жамоа. Уларни ҳурмат қиламиз. Аммо биз ғалаба қозониш учун келдик.
Биз мураккаб гуруҳда ўйнамоқдамиз, очко йўқотиш ниятимиз йўқ.
Эртага бўладиган ўйинда дарвоза томон кўпроқ зарба йўллашимиз лозим. Ана шунда ижобий натижа ҳақида гапиришимиз мумкин бўлади.
Бу ўйинни Малайзияда ўтказилиши бизга ҳам, Сурияга ҳам устунликни бермайди. Афсуски, бу ердаги шароитлар ЖЧ-2018 саралаш ўйинига тўғри келмайди. Бундан норозимиз» - деди Кейруш.
