Германия терма жамоаси ҳужумчиси Томас Мюллер ЖЧ-2018 саралашидан ўрин олган Сан-Маринога (8:0) қарши ўйин ҳақида ўз фикрини маълум қилди.

«Сан-Марино каби терма жамоаларга қарши ўйинларни профессионал футболга алоқаси йўқ. Шундоғам мураккаб тақвимга эга бўлган шароитда ўтказилаётган бу ўйинда маъно кўрмаяпман. Жаҳон чемпионларига қарши ўйнаш - улар учун алоҳида аҳамият касб этишини тушунаман. Фақат оғир меҳнат туфайли чемпионликни ҳимоя қилишимиз мумкинлигиниям биламан. Аммо бундай ўйинларда жароҳат олиш хавфи жуда юқори. Буни эса оқлаб бўлмайди», – деди Мюллер.