«Реал» ва Португалия терма жамоасининг ҳужумчиси Криштиану Роналду ёшлигида ёқимсиз лақабга эга бўлган.
Криштиану Роналдунинг жамоадоши Рикарду Сантуш 8 ёшида «Андоринья» клубида ўйнаган пайтини эсга олди.
«Криштиануни аниқ эслайман, у жуда камтар бола эди. Тўпни олдириб қўйиши биланоқ кўзидан ёш чиқиб кетарди. Жамоадошлари тўп учун курашаётган пайтда майдонда йиғлаб турарди.
Бироқ Роналду ўша пайтда ҳам яхши футболчи эди. Бошқаларга қараганда тезкор ўйнаб, кўплаб голларни урарди.
Криштиану ғалаба қозонишни ёқтирарди. Агар ютқазса, йиғлашни бошларди. Шу даража кўп йиғлардики, ҳатто «Йиғлоқи» деган лақабни орттириб олганди» - деди Сантуш Goal хабарида.
