Машҳур футбол агенти Дмитрий Селюк Лионель Мессини «Барселона»дан кетиши ҳақидаги гап-сўзларга изоҳ берди.

«Мессини ЦСКА клубига ўтди дейлик. Ҳазил. Бироқ, агар бу иш амалга ошса ҳам Месси Россияда кўп гол уролмайди. Чунки Европада уни ҳакамлар эҳтиёт қилишади, буюк футболчи эканини билишади. Аммо «Амкар»лик йигитлар эса уни оёғига 5 марта тепишади, натижада Месси голни қандай уриш кераклигини унутиб қўяди.

Жиддий гапирадиган бўлсам, Лео умрини охиригача «Барселона»да ўйнайди, бунга шубҳам йўқ. «Барселона» ҳам уни қўйиб юбормайди ва талабини бажаради. Бу ҳам тўғри. Чунки «Барселона» айнан Месси билан ўлчанади. Унга «Олтин тўп»нимас, «Бриллиант тўп»ни топшириш керак. У барча замонлар ва халқларнинг энг яхши футболчисидир» - деди Селюк.