"Челси" яримҳимоячиси Сеск Фабрегас Испания футбол федерациясининг таклифига кўра, Англия ва Испания терма жамоалари ўртасидаги ўртоқлик учрашуви бўлиб ўтадиган "Уэмбли" стадионига боришдан бош торди.

Фабрегас Хулен Лопетеги бош мураббий этиб тайинланганидан буён Испания терма жамоасига чақирилмаяпти. Англия-Испания учрашуви бугун 15 ноябрь куни бўлиб ўтади.

Футболчи стадионга бормаслигини шахсий сабаблари билан изоҳлади.

Фабрегасдан ташқари Санти Касорла ("Арсенал"), Адриан ("Вест Ҳэм") ва Педро ("Челси") ҳам учрашувни томоша қилишга чақирилган. Улар таклифга рози бўлганлар.