Сан-Маринонинг спорт ишлари котиби Теодоро Лонфернини Германия терма жамоаси ҳужумчиси Томас Мюллер ва «Бавария» бошқарув раиси Карла-Хайнц Руммениггедан узр сўрашни талаб қилди.
Гап шундаки, ЖЧ-2018 саралашидан ўрин олган ўйиндан (8:0) сўнг, Мюллер Сан-Марино терма жамоасини паст савиядаги рақиб эканини айтиб, улар билан ўйнашдан маъно йўқлиги ҳақида гапирган, Румменигге эса уни қўллаб-қувватлаган эди.
«Спортдаги ютуқларни солиштирмоқчи эмасман, терма жамоаларнинг савиясини ҳам таққослаб бўлмайди. Германия – жаҳон чемпиони, бироқ дунёнинг эгаси эмас. Сан-Марино жуда меҳмондўст давлат, буни ҳамма билади. Биз ҳар қандай тадбирни аъло даражада ташкилллаштирамиз. Жаҳон чемпиони бўлса ҳам, Германияни бундай дейишга ҳаққи йўқ. Бу сўзлар жирканчликдир. Мен Немис футбол иттифоқидан расмий узрни кутаман» - деди Лонфернини.
