Испаниянинг "Торрелодонес" аёллар клуби футболчиси "Атлетико" базаси ювиниш хонасида кимдир уни пойлагани учун полицияга шикоят қилди.
Испания 2-дивизиони учрашувидан сўнг номини ошкор қилишни истамаган футболчи қиз душ қабул қилаётиб кимдир ойнадан уни телефонда тасвирга олаётганини сезиб қолган, дея хабар беради Abc.
"Биз "Атлетико Мадрид"дан омма олдида жабрланувчидан кечирим сўрашни талаб қиламиз. Бу воқеа келажакда такрорланмаслиги учун барча чоралар кўрилсин", - дейилади "Торрелодонес" баённомасида.
"Атлетико" воқеани тасдиқлади ва ички суриштирув ишларини бошлаган.
