«Барселона» клубининг собиқ юлдузи Хави «Ливерпуль» яримҳимоячиси Филиппе Коутиньо ҳақида ўз фикрини маълум қилди.

«Коутиньони ноёб иқтидор эгаси деб билганман, аммо у Клопп қўл остида янги савияга кўтарилди. Унинг ўйинини ҳисобга оладиган бўлсак, Европада ундан зўр яримҳимоячи йўқ. Айни пайтда у барқарор ўйин намойиш қилмоқда. Бу «Ливерпуль» учун ҳам яхши ҳолат, жамоа чемпионлик учун курашади.

Юқори савияда ўйнаганингда бошқа клубга ўтишинг ҳақида миш-мишлар пайдо бўлади. Коутиньо бу гапларга эътибор бермасдан, диққатини «Ливерпуль» клубига қаратиши лозим.

«Барселона»ни кучайтира оладиган футболчилар камдан-кам учрайди. Аммо Коутиньо шулардан бири» - деди Хави Goal хабарида.