«Бавария» бошқаруви раиси Карл-Хайнц Румменигге Косово, Сан-Марино ва Гибралтар терма жамоаларини ерга урди.
«Ҳозир бизда ўйинлар сони 40%га кўпайган. Аввалроқ, футболчиларга юкламани пасайтириш учун Чемпионлар лигасида 2-гуруҳ босқичи бекор қилинганди. Шундан сўнг нима юз берди? Терма жамоалар ўйини яна тўрттага кўпайди. Энди биз Сан-Марино, Гибралтар, Косово каби термалар билан ўйнамоқдамиз. Шу туфайли ўзимга савол бераман: нима учун бундай жамоалар учун саралаш босқичи жорий қилинмаган?» - деди Румменигге Bild хабарида.
Эслатиб ўтамиз, ЖЧ-2018 саралашида Германия Сан-Маринони 8:0 ҳисобида мағлуб этгач, Томас Мюллер бундай савиядаги жамоалар билан ўтказилган ўйинлардан маъно йўқлиги ҳақида гапирган, Румменигге эса уни қўллаб-қувватлаган эди. Сан-Марино вакиллари эса буни ҳақорат деб билиб, узр сўрашни талаб қилишган эди.
