Англия терма жамоаси сардори Уэйн Руни Шотландия (3:0) устидан қозонилган ғалабани бир қанча жамоадошлари билан меҳмонхонада нишонлаган.
The Sun хабарига кўра, Руни билан Жон Стоунз, Фил Ягелка ва Рахим Стерлинг спиртли ичимликларни истеъмол қилишган. Шундан сўнг Руни ресторанга тушиб, тўйни нишонлаётган меҳмонлар даврасида кўнгилхушликни давом эттирган.
Эслатиб ўтамиз, Шотландияга қарши ўйиндан сўнг Руни Манчестерга қайтиб кетгани ҳақида хабарлар чиққан эди. Бош мураббий вазифасини бажарувчи Гарет Саутгейт буни футболчининг жароҳати билан изоҳлаган эди.
