ФИФА президенти Жанни Инфантино жаҳон чемпионати форматига киритилиши мумкин бўлган ўзгаришлар ҳақида гапирди.
«Агар ЖЧ иштирокчилари сони 48тага етказилса, у ҳолда 16 жамоа тўғри гуруҳ босқичига чиқади. Қолган 32 жамоа мусобақа бошланишига 1 ҳафта қолганида плей-офф саралашида иштирок этиб, гуруҳ босқичига қўшиладиган 16 жамоани аниқлаб беради.
Плей-оффнинг ягона ўйинида ҳар нарса рўй бериши мумкин. Масалан, Италия ёки Испания ютқазиб, ЖЧ мусобақасидан четда қолиши ҳам мумкин. Бироқ олдиндан башорат қилмайлик.
Жаҳон чемпионати – ижтимоий аҳамиятга молик мусобақа. У мамлакатларни ўзгартиради, одамларга қувонч улашади. Бундай ўзгаришлар кейинги ривожланишлар учун туртки бўлиши мумкин» - деди Инфантино.
