Татаристон Республикасининг тергов қўмитаси ходимлари «Ростов» клуби ва Эрон терма жамоаси ҳужумчиси Сардор Азмундан тушунтириш хати олишмоқчи.

Гап шундаки, футболчи «Рубин» клуби билан тузилган шартномани қалбакилаштириб, уни муддатини ўзгартириб, кейинчалик «Ростов» клубига ўтиб кетганликда гумонланмоқда. Бу борада «Рубин» клуби ФИФАга арз ёзган ва судга мурожаат қилган.

Айни пайтда «Ростов» клуби РФПЛнинг навбатдаги ўйинини ўтказиш учун Қозон шаҳрига етиб келган. Тергов қўмитаси вакиллари эса «Рубин» клубининг мурожаати юзасидан футболчидан тушунтиришни талаб қилмоқда.

Аммо «Ростов» клуби вакиллари жиноий иш расман очилмагани боис, футболчи терговчиларга тушунча бермасликка ҳақли деб ҳисобламоқда. Айни пайтда «Ростов» клуби жойлашган меҳмонхонада тергов қўмитасининг 50 нафар ходими ташриф буюрган ва музокара олиб бормоқда.

"Рубин" - "Ростов" ўйини бугун соат 21:30да бошланиши керак.