Яримҳимоячи Бастиан Швайнштайгер "МЮ" бош мураббийи Жозе Моуриньонинг режаларига кирмаслиги ёздаёқ маълум бўлган. Мураббий футболчини июль ойи охирларида ёшлар жамоаси билан шуғулланишга юборган.
Маълум бўлишича, португалиялик мутахассис немис футболчисини таркибдан бекорга чиқаргани йўқ. Швайнштайгер тенничси Ана Иванович туфайли футболчилик вазифасини унутган, у билан теннис мусобақаларида бутун дунё бўйлаб кезган, жамоанинг собиқ бош мураббийи Ван Гал берган қўшимча таътил кунларидан фойдаланган. Немис футболчиси "МЮ"нинг бир қисми бўлишга интилмаган. Луи ван Гал бунга кўз юмган, Моуриньо эса уни дарров асосйи таркибдан туширган.
Швайнштайгердан қутилиш учун клуб уни 11 миллион евро эвазига қўйиб юборишни эълон қилди. Футболчи клубдаги охирги ўйинини 2016 йилнинг 20 мартида ўтказган. 21 август куни Финляндиф билан ўртоқлик учрашувида терма жамоадаги охирги 121-ўйинини ўтказди.
Июль ойида, Европа чемпионатидан сўнг Швайнштайгер ва Ана Иванович турмуш қуришди. Икки йиллик муносабатлардан сўнг тўй Венецияда бўлиб ўтди.
