Универсал жангчилар чемпионати (UFC)нинг ўрта енгил ва енгил вазн тоифасида чемпиони ирландиялик Конор Макгрегор бойликка эришгач, аёлини нима учун супермоделларга алмаштирмаслиги маълум қилди.

"Биз 8 йилдан буён бирга яшаймиз. Биз Ирландияда, Дублиндан 30 км узоқда ишсизлар учун тўланадиган 188 евро ёрдам пулига ижарада яшаганмиз. Мен ишсиз эдим, чунки вақтим доим залларда ўтар эди. Албатта чемпион бўлишимга ишонардим. У ҳам бунга ишонарди, менга ҳам ишонарди. Етишмовчиликка қарамай, у менинг тўғри овқатланишимга эътибор берарди, кун тартибини сақларди, бунга ўзини бағишлаган эди.

Мен машғулотлардан чарчаб келардим, у эса "Конор, биламан, сен буни уддалайсан" дер эди. Ҳозир миллионлаб доллар ишлаб топяпман. Менинг жангларим 50-70 минг томошабин йиғади. Мен ўзимга исталган автомашина, кийим-кечак ва уй олишим мумкин. У бунга ва бундан ҳам ортиғига лойиқ. У ҳамон ёнимда ва кўп нарсага қодирлигимни ҳар доим айтади", - дейди жангчи.