«Бавария» ҳимоячиси Филипп Лам Германия чемпионатининг 11-туридан ўрин олган «Боруссия Д» клубига қарши ўйиндан олдин ўз фикрини маълум қилди.
«Бу жуда муҳим ўйин. Германия уни интизорлик билан кутмоқда, чунки сўнгги йиллардаги икки энг яхши жамоа тўқнашади. Футболчилар ҳам, мухлислар ҳам катта ҳаяжонда.
Суперкубокда биз уларни 2:0 ҳисобида мағлуб этдик, аммо ўйин осон бўлмади. Бу сафар ҳам ғалаба қозониш учун энг яхши ўйинимизни намойиш қилишимиз шарт» - деди Лам «Бавария» сайти хабарида
"Боруссия Д" – "Бавария" ўйини бугун соат 22:30 да бошланади.
