Эквадор футбол федерациясининг собиқ раҳбари Луис Чирибога ФИФА ташкилотидаги коррупция билан боғлиқ можаро туфайли ҳибсга олинган эди.
FP хабарига кўра, мулозим жиноий йўл билан топилган даромадларни ЭФФ орқали легаллаштириш билан шуғулланган. Унга бу ишда федерация хазиначиси Уго Мора ҳам ёрдам берган. Уларни ҳар иккаласи 10 йил қамоқ жазосига маҳкум қилинди. Бундан ташқари, ташкилот ҳисобчиси Педро Вера ҳам 3 йилу 4 ойни панжара ортида ўтказадиган бўлди.
Чирибога лавозимини март ойида тарк этиб, ўз ихтиёри билан полицияга таслим бўлган эди. У ФИФА ташкилотидаги коррупция можаросида гумонланган ва уни ҳибсга олиниши ҳақида ҳукумат томонидан ордер чиқарилганди.