«Манчестер Сити» яримҳимоячиси Яя Туре «Кристал Пэлас» (2:1) клубига қарши ўйиндан кейин ўз фикрини маълум қилди. Футболчи жорий мавсумда биринчи марта майдонга тушиб, дубль соҳиби бўлган эди.
«Омадим келди. Аммо бу жуда қийин ўйин бўлди. Ғалаба қозониш учун нима қилиш кераклигини билардик. Қийин даврларни бошимдан ўтказган бўлсам-да, яна майдонга қайтганимдан хурсандман. Жамоадошларимдан миннатдорман, улар мени ҳар доим қўллаб-қувватлаган. Мен профессионалман ва ҳар доим ўйинимни юксалтириб бораман. Бунга маънан тайёр эдим, бир кун келиб мураббийга ёрдамим тегишини билардим» - деди Туре ВВС хабарида.
