Гарет Саутгейт 30 ноябрь куни Англия терма жамоасининг бош мураббийи сифатида расман эълон қилинади.
The Telegraph хабарига кўра, шу куни Англия футбол ассоциацияси раҳабариячтининг мажлиси бўлади ва Саутгейтдан бошқа номзоднинг бу вазифага тайинланиш эҳтимоли жуда кам.
FA ва Саутгейт ўртасидаги шартнома 4 йилга мўлжалланиши ва мутахассиснинг маоши йилига 1 миллион еврони ташкил қилиши кутилмоқда.
"FA раҳбарияти Гаретни бошқалардан кўра яхшироқ билади. Улар бошқа мутахассис билан музокара олиб борадилар деб ўйламайман. 30 ноябрь куни FA директорлар кенгашининг мажлиси бўлиб ўтади ва Саутгейт расман терма жамоа бош мураббийи этиб тайинланади", - дейди ташкилотнинг собиқ матбуот котиби Адриан Бевингтон.
