"Бавария" ҳужумчиси Роберт Левандовски Германия чемпионатининг 11-турига келиб, "Боруссия" ҳужумчиси Пьер-Эменик Обамеянгдан кам гол урганидан ташвиш чекмаётганини маълум қилди.
Габонлик футболчи ҳисобида ҳозирча 12та гол бўлса, польшалик футболчи 7та гол урган.
"Чемпионат охиригача Обамеянг билан нечта гол урарканмиз, ҳали кўрамиз. Масалан, чемпионат тугашига уч ёки беш тур қолганида", - дейди Левандовски.
11-турда "Боруссия" ва "Бавария" ўзаро тўқнаш келди, учрашувда дортмундликлар 1:0 ҳисобида ғалаба қозондилар, ягона голни Обамеянг киритди.
