Россиялик Қорбобо миллий терма жамоа ЖЧ-2018 ғолиблигини қўлга киритса, соқолини олиб ташлашини ваъда қилди.
Бу ҳақда у Новосибирскдаги матбуот-марказида эълон қилди, деб хабар бермоқда ТАСС.
«Миллионлаб россияликлар билан бирга Евро-2016 ўйинларини кузатиб бордим. Баъзан менга соқолсиз қандай кўринишдасиз деб савол беришади. Бунга жавобан шуни маълум қиламанки, агар Россия ЖЧ-2018 ғолиби бўлса, соқолимни олиб ташлайман.
Аммо, ашаддий мухлис бўлишимга қарамасдан, футболчиларга сеҳр-жоду билан ёрдам бермайман. Ҳаммаси ҳалол бўлиши керак! Шунинг учун ҳам стадионга отланганимда ҳассамни ташлаб, уни ўрнига Россия байроғи ва қандайдир сурнайни олиб бораман.
Сеҳрли соқолим мухлисларини эса тинчлантирмоқчиман, хавотир олманглар қиш келгунча у яна ўсиб чиқади» - деди Қорбобо.
