Швеция пойтахти Стокгольмда "МЮ" ҳужумчиси Златан Иброҳимовичга ҳайкал қўйилиши мумкин.
Ҳайкал "Френдс-Арена" стадиони олдига қўйилиши режалаштирилмоқда, дея хабар беради Швеция футбол федерацияси расмий сайти.
Иброҳимович 10-марта Швециянинг энг яхши футболчиси номини қўлга киритди. Таъкидлаш жоиз, бу номга ҳеч қайси футболчи икки мартадан ортиқ эга бўлган эмас. Шу сабали Швеция футбол федерацияси 35 ёшли футболчига 2,7 метрлик ҳайкал ўрнатмоқчи.
Иброҳимович Швеция терма жамоасида 116 ўйин ўтказиб, 62та гол урган. У терма жамоа тарихида энг яхши тўпурар ҳисобланади.
