ФИФА президенти Жанни Инфантино Конфедерациялар кубогини ўтказиш қанчалик мақсадга мувофиқлигини кўриб чиқшини маълум қилди.
«Конфедерациялар кубоги ва клублар ўртасидаги жаҳон чемпионатини ўтказиш қанчалик мақсадга мувофиқ эканини кўриб чиқиш лозим. Баъзи турнирлар кўп йиллардан буён ўтказиб келинмоқда, бироқ тақвимнинг тиғизлигини инобатга олиб, бу мусобақалар қанчалик кераклигини ўйлаб кўришимиз шарт.
Бу борада барча таклифларни эшитишга ва керак бўлса, тақвимни ўзгартиришга тайёрман.
Жуфт йилларда ЖЧ ва Европа чемпионатлари ўтказилмоқда. Аммо негадир май ойидан фойдаланмаяпмиз. Балки клублар учун майда яхшироқ турнир ўтказармиз» - деди Инфантино Le Parisen хабарида.
