ФИФА президенти Жанни Инфантино футбол қоидаларига киритиладиган ўзгаришлар тўғрисида гапириб берди.
«Видеотакрорлар? Аввал бу борада бироз бошқача фикрда эдим. Ўйин вақти чўзилиб кетар деб қўрққандим. Аммо синовларни ўтказиб олганимиздан сўнг фикрим ўзгарди. Икки йил ичида синовлар сонини оширамиз ва 2018 йил март ойида якуний қарорни қабул қиламиз. Умид қиламанки, ЖЧ-2018да видеоҳакамлар бўлади.
Бундан ташқари, қўшимча вақтларда тўртинчи марта футболчи алмаштириш имкониятини бериш ҳақида ўйламоқдамиз.
Ўйиндан ташқари ҳолатни аниқлашда эса GPS тизимидан фойдаланишимиз мумкин. У 16 метр масофадан офсайдни аниқлаш имкониятини беради» - деди Инфантино.