“Бунёдкор” – “Локомотив” учрашувидан кейинги матбуот анжуманининг биринчи қисмида “темирйўлчилар” устози иштирок этди.

- Қизиқарли кечган баҳс тақдирини биргина гол ҳал қилди. Ўзи умуман ўйин давомида голли вазиятлар жуда кам содир этилди. Ғалаба қозонганимиздан хурмандман. Ҳар қандай ютуқ инсон учун ёқимли. Очиғи, бугун бизга омад кулиб боқди. Темурхўжа Абдухолиқовни кубок доирасидаги учрашувга асраш мақсадида 1-таймдан кейиноқ алмаштирдик. Ислом Тўхтахўжаевнинг ҳужум чизиғида ҳаракат қилишига келсак, бу футболчининг истаги эди. У олдинги чизиқда аввал ҳам тўп тепган ва голлар урган. Умуман олганда, олдинга чизиққа чиқарадиган бошқа футболчимиз ҳам қолмаганди. Чемпионат баҳслари якунига етди. Энг яхши учлик? Мен ўз жамоамдаги барчани бирдек кўраман. Шу боис бошқа жамоаларда ўзларини кўрсатганлар ҳақида гапираман. Элдор Шомуродов, Жалолиддин Машарипов ва Юрица Бульят жуда яхши ўйин кўрсатишди, деб ўйлайман, - дейди Андрей Геннадьевич.