«Милан» дарвозабони Жанлуижи Доннарумманинг акаси Антонио 17 ёшли футболчини «Ювентус» клубига ўтиши ҳақидаги хабарларни инкор қилди.
«Жижи ҳеч қачон «Ювентус»га ўтмайди. Биз ҳар куни гаплашиб турамиз. У «Милан»ни тарк этмайди.
Айни пайтда Буффон Италия терма жамоасининг асосий дарвозабони. Бироқ у фаолиятини якунлагач, укамнинг даври етиб келади.
Жижи «Милан»да бахтиёр, у ҳар доим миланиста бўлиб келган» - деди Антонио Corriere dello Sport хабарида.
Антонио Доннарумма ҳам дарвозабон ҳисобланади ва айни пайтда Грециянинг «Астерас» клубида ўйнамоқда.
