«Барселона» ҳужумчиси Лионель Месси клубдаги вазият ҳақида гапириб берди.

«Биз биринчи марта плей-оффга чиққанимиз йўқ. «Селтик» стадионидаги муҳит жуда ажойиб экан. Бу ғалабадан ва кейинги босқичга чиққанимиздан мамнунман.

Бизни «Реал Сосьедад»га қарши қийин ўйин кутмоқда. Улар жуда яхши ўйин намойиш этиб, еврокубоклар учун курашмоқда. «Аноэта» «Барселона» учун қийин стадион бўлиб келган. Биз «Реал»дан 4 очко ортдамиз ва уни узоққа қўйиб юбормаслик учун ғалаба қозонишимиз шарт.

«Барселона» менга боғланиб қолган? Йўқ, ундай эмас. Мен дунёнинг энг яхши клубида ўйнамоқдаман ва бу борада омадим келган. Аммо «Барселона» бир футболчига боғлиқ эмас» - деди Месси Marca хабарида.