Бутунжаҳон антидопинг агентлиги (WADA) Мехико шаҳридаги лабораторияси фаолиятини 6 ойга тўхтатиб қўйди. Бу ҳақда ташкилот матбуот хизматига таяниб, «ТАСС» хабар бермоқда.
Мехикодаги лабораториянинг ёпилиши талабларга жавоб бермаслик билан изоҳланди. 23 ноябрдан фаолияти тўхтатилган лабораторияга ҳар қандай антидопинг экспертизаларни ўтказиш тақиқланди.
Мехикодаги барча намуналар бошқа жойга кўчирилади. Мексикада мазкур қарорга шикоят бериши учун 21 кун мавжуд.
Мехикодаги лабораторияда барча камчиликлар бартараф этилмаса, муассаса фаолиятининг тўхтатилиш муддати узайтирилади.
