БАА чемпионатида 8-тур ўйинлари давом этмоқда. «Ан-Наср» ўз майдонида «Аш-Шабаб» клубини қабул қилди.
Ўйиннинг 62-дақиқасида Довуд Ал-Балуший томонидан урилган гол ягоналигича қолди ва «Аш-Шабаб»га ғалаба келтирди.
Ҳамюртимиз Азиз Ҳайдаров учрашувни захира ўриндиғида бошлади ва 60-дақиқада майдонга туширилди. Айнан унинг ўйинга киритилиши жамоа ўйинига ижобий таъсир қилди ва икки дақиқа ўтгач ҳисоб очилди.
Бу ғалабадан сўнг «Аш-Шабаб» 17 очко жамғариб, мусобақа жадвалида пешқадам «Ал-Васл» клубидан 4 очко ортда қолиб, учинчи ўринда бормоқда.
Ҳамюртимиз Азиз Ҳайдаров жорий мавсумда 6 ўйинда майдонга тушган.
БАА чемпионати. 8-тур
«Ан-Наср» - «Аш-Шабаб» - 0:1
Гол: Довуд Ал-Балуший (62)
