Тошкентнинг “Локомотив” клуби жорий йилги мамлакат кубоги финал учрашувига йўл олди. Финалда “Темирйўлчилар”дан Қаршининг “Насаф” жамоаси қаршилигини енгиш талаб этилади. Хўш, “Локомотив” финалга қадар қандай йўлни босиб ўтди? Бугун шу ҳақида маълумот бериб ўтамиз.
“Локомотив” Ўзбекистон кубоги-2016даги иштирокини 1/8 финалдан бошлади. Жамоага бу босқичда Андижоннинг “Уз-Донг-Жу” клуби тўқнаш келди. “Бўёқчилар” жамоаси икки ўйин натижасига кўра 13:1 ҳисобида таслим этилди. 1/4 финалда эса “Локомотив” Муборакнинг Машъал” клуби қаршилигини енгишига тўғри келди. Дастлабки ўйинда “Локомотив” футболчилари сафарда 4:1 ҳисобида зафар қучишган бўлса, уйдаги баҳсда 1:2 ҳисобида имконият бой бериб қўйилди. Лекин умумий ҳисобда “Локо” рақибдан устун келди ва ярим финалга йўл олди.
Ярим финал босқичида мамлакатимизнинг вице-чемпиони – “Бунёдкор” доғда қолдирилди. Ҳар икки учрашувда ҳам кичик ҳисобда ғалабага эришган “Темирйўлчилар” биллур соврин учун курашни давом эттирадиган бўлишди.
“Локомотив”нинг финалга қадар босиб ўтган йўли:
1/8 финал
Уз-Донг-Жу (Андижон) 1:4 Локомотив (Тошкент)
Локомотив (Тошкент) 9:0 Уз-Донг-Жу (Андижон)
1/4 финал
Машъал (Муборак) 1:4 Локомотив (Тошкент)
Локомотив (Тошкент) 1:2 Машъал (Муборак)
1/2 финал
Локомотив (Тошкент) 1:0 Бунёдкор (Тошкент)
Бунёдкор (Тошкент) 0:1 Локомотив (Тошкент)
Ана энди олдинда бизни финал беллашуви кутиб турибди. Ўйин 30 ноябрь куни Самарқанддаги “Динамо” стадионида бўлиб ўтади ва соат 13:00да бошланади.
