«Милан» ҳужумчиси Карлос Бакканинг агенти мижозини ҳеч қаерга ўтмаслигини маълум қилди.

Футболчи ўтган ҳафтада Испанияга ташриф буюриб, «Севилья» клубининг ўйинини томоша қилганди.

«Бакканинг жароҳати бор. Бундан ташқари, «Милан» унга Севильяга боришга рухсат берган. Бу ерда ортиқча гап-сўзларга ўрин йўқ.

Биз миш-мишларни назорат қилолмаймиз. Журналистлар айрим нарсаларни тўқишга уста бўлишади.

Карлос - «Милан»нинг сўнгги икки йилдаги энг яхши ҳужумчиси. У бошқаларга қараганда кўпроқ майдонга тушмоқда. Монтелла билан унда муаммо йўқ. У «Милан»ни тарк этмайди» - деди агент.