"Манчестер Сити" ҳимоячиси Бакари Санья клубдаги келажаги ҳақида фикр билдирди.
2014 йилдан буён "Манчестер Сити"да ўйнаб келаётган 33 ёшли футболчининг шартномаси 2017 йилнинг ёзида ниҳоясига етади ва у клубда қолишига ишонмаяпти.
"Шартномам шу мавсум охиригача тузилган, аммо бу ҳақида ўйламасликка ҳаракат қиляпман. Ҳозиргача клуб томонидан уни узайтириш учун таклиф бўлмади, шунинг учун кейин нима бўлишини билмайман.
"Марсель"? "Марсель" - менга жуда ёқадиган клуб, у Франция футболининг бир қисми ҳисобланади. Аммо ҳозирги ёшимда босим остида ўйнашни истамайман ва ҳозир унинг стабил клублигига ишонмайман", - дейди Санья.
