Бразилия клублари мамлакат футбол конфедерациясига авиаҳалокатда нобуд бўлган «Шапекоэнсе» жамоаси юзасидан расмий хат билан мурожаат қилишди.

Клублар федерацияга бир неча таклифларни беришди. Улардан энг муҳим иккитаси қуйидагича:

1. 2017 йилда ўз футболчиларини «Шапекоэнсе» клубига бепул ижарага бериш учун рухсат олиш.

2. Яқин уч мавсум давомида клубни қуйи лигага тушиб кетишдан сақлаш ва А сериядаги ўрнини кафолатлаш.

«Бу қўлимиздан келадиган энг камтарона ишдир. Мақсадимиз – Бразилия футболининг йўқотилган қисмини қайта тиклаш» - дейилади хат мазмунида.

Расмий мурожаатга «Сан-Паулу», «Коринтианс», «Сантос», «Палмейрас» ва «Португеза» клублари имзо чеккан.