«Манчестер Юнайтед» бош мураббийи Жозе Моуриньо Англия футбол ассоциацияси (FA) томонидан бир ўйинга дисквалификация қилинди.
Мураббий «Вест Хэм» (1:1) клубига қарши ўйинда ҳакамнинг қароридан норози бўлиб, жаҳл билан сувли идишни тепиб юборган эди. Шундан сўнг бош ҳакам томонидан четлатилганди.
Маълум қилинишича, Моуриньо айбига тўлиқ иқрор бўлди ва FA томонидан дисквалификация қилиниб, 16 минг фунт жаримага тортилди.
Энди у 4 декабрь куни ўтказиладиган «Эвертон» клубига қарши ўйинда жамоаси ўйинини майдон чеккасида туриб бошқара олмайди.