«Барселона» клубининг собиқ, айни пайтда «Нью-Йорк Сити» ҳужумчиси Давид Вилья бўлажак «Эл Класико» ҳақида ўз фикрини маълум қилди.

«Мен «Барселона»ни «Реал» устидан 5:0 ҳисобидаги ғалабасини эслайман. Бу мен учун биринчи «класико» бўлган. «Барселона»нинг бундай ажойиб ўйинини тасаввур ҳам қилолмаганман. Бўлажак ўйин ҳақида гапирадиган бўлсам, «Барселона» ўйинидаги пасайишдан чиқиб кетиши учун, бу беллашувдаги ғалабага муҳтож. Агар каталонияликлар зафар қучса, ҳаммаси ўзгариб кетади» - деди Вилья Sport хабарида.

«Барселона» - «Реал» ўйини 3 декабрь куни ўтказилади.