«Атлетико» клубининг собиқ ҳужумчиси Радамел Фалькао жамоа у билан шартномани узайтиришни истамаганини айтди.
Футболчи 2011-2013 йилларда «Атлетико» шарафини ҳимоя қилган, сўнгра «Монако» клубига ўтиб кетганди.
«Атлетико» менга шартномани узайтиришни таклиф қилмаган. «Монако» эса мен учун эшикларини очди, бундан хурсандман. Ҳамма мендан ўз ёрдамини аямаган, ўзимни «Монако» клубига керакли футболчи деб ҳис қилганман. Аслида «Атлетико» ва унинг мухлисларидан миннатдорман. Менимча, жамоа кун кўриши учун ўз футболчиларини сотишга мажбур бўлган» - деди Фалькао Cope хабарида.
