«Арсенал» яримҳимоячиси Месут Ўзил «Вест Хэм» (5:1) клубига қарши ўйиндан сўнг ўз фикрлари билан ўртоқлашди.
«Натижадан мамнунман, ўз вазиятларимиздан унумли фойдаландик. Биз чемпионлик пойгасида яхши ўринга чиқиб олдик, «Арсеноябрь»дан бирор марта мағлуб бўлмасдан, муваффақиятли ўтдик. Ўзимизга бўлган ишонч янада ортди. Юқори ўринларда қолиш учун ғалаба қозониш ва жароҳатлардан сақланишимиз лозим» - деди Ўзил.
Эслатиб ўтамиз, «Арсенал» аввалги мавсумларда ноябрь ойини муваффақиятсиз ўтказар эди. Айни пайтда клуб пешқадам «Челси»дан 3 очко ортда қолиб, 2-ўринда бормоқда.
