Қозоннинг "Рубин" клуби футболчиси Хави Грасия россиялик Валерий Карпин билан испаниялик Унаи Эмерини футболчи ва мураббийлар сифатида таққослади.
- Майдонда ким яхши ўйнар эди, Карпинми ё Эмери?
- Албатта, Валерий! У яхшироқ ва омадлироқ ўйнаган. Аммо Унаи буюк мураббий бўлиб етишди. Эмери ҳози Испанияда энг яхши бўлмаса, энг яхши мураббийлардан бири бўлиб турибди. Унинг "Спартак"даги ишлари бунадй кечгани ачинарли. Нимадир етишмаган. Аммо бу тажриба ҳам Эмерининг фойдасига ишлаган. Агар фаолиятингда омадсизликлар бўлмаса, ўз-ўзини танқид руҳи йўқолади. Ажойиб иктидорли ва ўзини баҳосини биладиган мураббий", - дейди Грасия.
