«Барселона» ҳимоячиси Алеиш Видал Чемпионлар лигасидан ўрин олган «Боруссия М» (4:0) клубига қарши ўйиндан сўнг ўз фикрлари билан ўртоқлашди.
«Клуб мени келажагим ҳақида ҳар қандай қарорни қабул қилиши мумкин, аммо мен қоламан. Дунёнинг энг яхши клубини тарк этиш аҳмоқлик бўларди. Айни пайтда шартномам бор ва мен муваффақият қозонишимга ишонаман.
Бугунги ўйинимга баҳо бериш учун бир нарсани ҳисобга олиш керак – мен уч ой футбол ўйнамадим. Мен ўз кучимга ишонаман, аммо руҳият борасида ҳали ишлашим керак.
Мен шахсий сабабларга кўра эмас, балки мураббий қарорига асосан таркибга кирмаяпман. Меҳнат қилишда давом этаман ва яна имкон берилишини кутаман» - деди Видал.
