Футболдаги маҳфий ҳужжатлар ва шартномалар ҳақида маълумот берувчи Football leaks сайти хабарига кўра, дунёнинг энг кўп маош олувчи футболчиси Месси ёки Роналду эмас.
Манбанинг маълумотига кўра, Хитойнинг «Хэбей Чайна Форчун» клуби ҳужумчиси Эсекиэль Лавесси ҳафтасига 579 минг евро маош билан рўйхатни бошқариб турибди.
Бундан ташқари клуб унга ҳашаматли уй ва иккита автомобиль тақдим қилган, шахсий ҳайдовчи, ошпаз ва таржимон ҳам ёллаган.
Хабарга кўра, Криштиану Роналдунинг маоши ҳафтасига 428 минг еврони ташкил қилади. Лионель Месси эса 317 минг евро олади.
