Мадрид прокуратураси «Реал» клубининг собиқ футболчилари – Анхель Ди Мария, Хаби Алонсо ва Рикарду Карвальога қарши жиноий иш очди, деб хабар бермоқда L'Equipe.
Футболчилар даромадни яширганлик ва солиқлардан бўйин товлаганликда айбланмоқда.
Бундан ташқари «Атлетико» клубининг собиқ ҳужумчиси Радамел Фалькао ва «Реал» ҳимоячиси Фабиу Коэнтрауга нисбатан ҳам тергов ишлари олиб борилмоқда.
Прокуратура солиқ идоралари берган маълумотлар асосида жиноий иш қўзғатишга қарор қилган.
Ўз навбатида, «Реал» ҳужумчиси Криштиану Роналдуга нисбатан ҳеч қандай айблов қўйилмаган.
Айни пайтда Ди Мария «ПСЖ», Алонсо «Бавария» клубида ўйнамоқда. Рикарду Карвальо эса фаолиятини якунлаган.
