"Ювентуса" ҳужумчиси Гонсало Игуаин ЕЧЛ гуруҳ босқичининг 6-турида "Динамо" Загреб устидан қозонилган ғалабадан сўнг фикрларини билдирди.
Аргентиналик футболчи бу учрашувда гол уриб, бир ойдан кўпроқ давом этган голсиз сериясини тўхтатди.
"Ҳамм ҳужумчилар гол уришни истайдилар, аммо бунинг уддасидан ҳар доим ҳам чиқилавермайди. Ниҳоят гол урганимдан хурсандман.
"Ювентус"нинг биринчи навбатдаги мақсади гуруҳдан чиқиш эди, кейин - гуруҳда биринчи ўрин, ундан кейин Италия чемпионатида пешқадамлик ва Италия Суперкубогини қўлга киритиш. Биз тўғри йўлдамиз ва шу руҳда давом этишимиз керак", - дейди Игуаин.