«Реал» яримҳимоячиси Тони Кроос Японияда ўтказиладиган клублар ўртасидаги жаҳон чемпионатида учинчи марта ғолиб чиқишига умид билдирди.
«Яна сафга қайтдим ва жамоа билан машғулот олиб боряпман. Мусобақа бошлангунга қадар жисмоний ҳолатимни тиклаб оламан. Шахсий совринлар мен учун муҳиммас, бироқ нуфузли мусобақага йўл олаётганда унда ғолиб чиқишни истайман. Агар учинчи марта бу кубокни бошим узра кўтарсам, мен учун ажойиб воқеа бўларди. Бу худди Чемпионлар лигасида уч марта ғолиб чиқишдек гап» - деди Кроос ФИФА расмий сайтида.
Тони Кроос 2013 йили «Бавария» билан, кейинги мавсумда эса «Реал» билан бу совринни ютиб олган эди.
