Бу йилги мавсумда «Машъал» бир қанча қизғин ва муросасиз баҳсларни ўтказди.
Шиддатли баҳслар бўлишига қарамай жамоага бирор марта қизил карточка кўрсатилмади. Аммо мавсум якунига қадар жамоага 57 бор сариқ карточка кўрсатилди.
Энг кўп сариқ карточка ишлаб олган футболчилар рўйхатини Мирзохид Ғофуров ва Сирож Ҳамроев бошқариб туришибди. Уларнинг ҳисобида 5 тадан сариқ карточка бор, Шахзод Шайманов, Аббос Шодмонов, Зоҳир Қўзибоев, Хумоюн Муртазоев, Зафар Тўраев ҳисобида эса 4 тадан огоҳлантириш бор. Шунингдек Аваз Агалиев, Искандар Шайқулов, Сардор Абдураимов, Ғиёсжон Комилов, Кенжа Тўраев ва Андрей Деркач ҳисобида 3 тадан огохлантириш бор. Жамшид Ҳасанов 26 бор майдонга тушиб бор йўғи 2 бор огохлантирилган. Булардан ташқари Ғуломҳадар Ғуломов, Владислав Павленко, Дилавер Абибуллаев ҳам бу мавсумда бир маротабадан сариқ карточкалар билан сийланишган.
