"Ницца" ҳужумчиси Марио Балотелли Италияга қайтиши мумкинлиги ва "Олтин тўп" ҳақида фикр билдирди.
"Мен кўпроқ ўйнай бошладим, шунинг учун голлар уряпман. Ўтган мавсумда мен деярли майдонга тушмадим, мавсумнинг катта қисмини жароҳатлар сабабли ўтказиб юбордим.
Ҳозир дунёда Месси ва Роналдуга тенг келадиган футболчи йўқ. Агар мен бир мавсум давомида диққат-эътиборлм бўлсам ва жароҳатларсиз ўтказсам, "Олтин тўп"ни олишга имконият туғилади.
Мен ҳар доим "Милан" мухлиси бўлиб келганман, "Интер"да ўйнаган чоғимда ҳам. Италияга қайтадиган бўлсам, фақат "Милан"да ўйнайман. Аммо ҳозир Франция чемпионатида ғолиб бўлишни истайман. БУ мамалакатда ҳеч қачон ўйнамаган эдим, бу катта салоҳиятга эга лойиҳа. Келажак ҳақида мавсум сўнгида гаплашамиз", - дейди Балотелли.
